يا ستي ده من رابع المستحيلات

كتير اوى واحنا بنتكلم بنقول ف نص كلامنا { ده من رابع المستحيلات }
طب ياترى الجمله دى معناها ايه , ياترى فعلا فى حاجات مستحيله اوى كده ومش ممكن نحققها , وايه هو موضوع المستحيلات التلاته دول , اللى لسه مابقاش ليهم رابع ؟




انا بقا هقولكم حكاية التلاتة مستحيلات , بس طبعا الله اعلم هما حقيقه ولا اسطوره ؟
والمستحيلات دول هما ؟
الغول
العنقاء
الخل الوفى




والغول بقا ::
بيقولوا انه حيوان خرافى من الجن , وممكن يكون انثى , واستخدموا الغول ده زمان لما كانوا بيخوفوا الاطفال , واكيد طبعا كلكم عارفين حدوتة امنا الغوله { اكيد خوفوك بيها }





اما العنقاء بقا ::
طائر خرافى , بيقولوا عاش 500 سنه , وبعد كده حرق نفسه , وبعد ما اتحرق طلع من رماده عنقاء وراحت موطنها الاصلى فى مصر { مش بخوفكم والله } وطبعا الله اعلم ده حقيقه ولا اسطوره ؟





اما اخر مستحيل الخل الوفى ::
وده بقا اللى كلنا بندور عليه دلوقتى , واللى بتوصل معاه لاعلى درجات المحبة والاخلاص , وبيتشابه معاك ف الصفات والطباع , واللى ممكن يخلصلك اكتر ما بيخلص لنفسه




بس كده انا خلصت وهما دول التلات مستحيلات
المطلوب منك بقا تقوللى ايه هو المستحيل الرابع بالنسبه ليك وبصراحه طبعا ومن غير احرااااااااااااااااج
يلا عايزه ردود كتيره موووووووووت